E “Consejo Nacional de Zonas Francas de Exportación de la Repúblika Dominicana” (CNZFE) i Curaçao Industrial and International Trade Development Company N.V. (CURINDE), a firma un akuerdo di aliansa stratégiko ku e ophetivo di desaroyá esfuerso, strategia i programanan pa mehorá e kompetividat i akseso na merkadonan mundial.

Licda. Luisa Fernández Durán, Direktor Ehekutivo di CNZFE i Sra. Jacqueline Jansen, Direktor Interino di CURINDE, a firma e akuerdo. E aktividat a konta ku presensha di Sr. Stanley Palm, Minister di Desaroyo Ekonómiko di Kòrsou, Sra. Carmen Virginia Cardona de van Riet, Kònsùl General di Repúblika Dominikana, i Sr. Juan de Dios Bello Medrano, Vice- Kònsùl di Repúblika Dominikana na Kòrsou.

E proyektonan ku lo keda realisá den kuadro di e kolaborashon lo permití e partidonan pa, entre otro, establesé mekanismonan di koperashon tékniko pa fortalesé e prosesonan di kapasitashon di rekurso humano, stimulá transferensha di teknologia di produkshon di produkto i servisionan nobo i mas avansá, promové e desaroyo di stándartnan di kalidat, meskos ku promoshon di invershon den sektornan di zona liber i empresanan dediká na produkshon di produkto i servisionan destiná pa merkadonan global.