Resientemente Cpost International N.V. a emití un seri di stampia nobo, ‘Indian Native Paintings’. Athunto na e komunikado aki, por apresiá e diseñonan di e stampianan. E diseñonan riba e stampianan ta dibuhonan di indjan ku tin na e Kuebanan di Hato i Rondeklip. E diseñadó ta Avantia Damberg, e emishon spesial aki ta konsistí di 6 stampia i nos a duna un ehemplar na NAAM, Archeologisch Werkgroep Curaçao i Carmabi pa nan trabounan inkansabel pa preservashon di nos herensia kultural i spesialmente herensia di indjannan. Riba e dia aki Sra. Drs. Claudia Kraan, Arkeológo di NAAM a tene un presentashon riba e dibuhonan i petroglifonan di indjan na Kòrsou. E stampia aki ta optenibel na tur filial di Cpost International. Pa mas informashon por yama 433-1124 òf bishitá website di  Cpost International, www.cpostinternational.com