Resientemente Cpost International N.V. i Sunrise Airways a firma un kontrato di benta di tíket na tur filial di Cpost International N.V.

Klientenan ta bonbiní pa kompra di nan tíket pa buelo di Sunrise Airways na kualkier un di e filialnan di Cpost  na Groot Kwartier, Punda, WTC, Otrabanda i Paseata.

Sunrise Airways tin buelo nònstòp for di entre Haiti i Kòrsou. E buelo lo sali for di Haiti rumbo pa Kòrsou riba djadumingu i djaweps pa 9or di mainta. E buelo di regreso saliendo for di Kòrsou pa Haiti lo ta 2:30 mèrdia. E buelo lo ser efektuá for di Port-au-Prince, Haiti pa Kòrsou ku un kapasidat di 150 stul. For di Haiti por hasi konekshon tambe ku e servisio ku Sunrise Airways ta brinda pa i for di Cuba, Repúblika Dominikana i Orlando.

Riba e potret por mira srs. Andy Luisa, Gerente General Interino di Cpost International N.V., Sergio Valkenburg, Sunrise Airways, i Jervhes Josephia, direktor di Business Development di Cpost International N.V.