WILLEMSTAD- 1 di ougùstùs 2013:- Ofisina di Turismo di Kòrsou (CTB) a hasi entrega di nan Garoshi di awa di Yobe na Museo di Kòrsou komo opsekio pa aportá i sigui enrikesé nos historia kultural. CTB pa algun tempu kaba tabata tin e Garoshi di awa di Yobe i por a mira esaki den nan balkon, esaki tabata hala hopi atenshon di e bishitante nan di CTB. Ora a yega tempu pa renob’é a yega na e idea pa entrega esaki na Museo di Kòrsou ya ku esaki ta kasi un di e último garoshinan di awa yobe den reino Hulandes. Ku e gesto aki CTB ke aportá i enrikesé e historia kultural di nos isla i su Dushi Hende nan. Minister di Desaroyo Ekonómiko Sr. Stanley Palm a hasi e entrega di e Garoshi di awa di Yobe na representante nan di Museo di Kòrsou; Sra. Charlotte van Doremalen-Oster, Sra. Marie Lou Schoenmakers i Sr. Gilbert de Haak. Por apresiá e garoshi totalmente renobá na Museo di Kòrsou.