Djabierne e dia ofisial ku e di tres edishon di Curaçao Baseball Week 2015 ta ranka sali. E inisiadónan Blue Bay Resort, Hensley Meulens, Ben Thijssen i Jair Jurrjens ta orguyoso di e nòmbernan grandi ku lo ta presente durante e siman aki. E ‘auction diner’ ku ta un evento privá lo tuma lugá awe nochi. E seminarionan pa e entrenadornan di beisbòl lo tuma lugá awe i mañan. Riba djaluna 30 di novèmber i djarason 2 di desèmber lo tin e Kids Clinics pa e muchanan. E siman lo kulminá riba djabièrne 4 di desèmber ku e tremendo “Ball Park Night” na Tio Daou na Sta Rosa.

Historia i future
“Tur kos a kuminsá den 2009 dia nos i Jair Jurrjens a kuminsa traha un plan pa organisá un evento di beisbòl ku lo tuma luga tur aña riba nos isla. Den e añanan ku a sigi nos a bin ta kombersá ku Robert Eenhoorn, Hensley Meulens i Ben Thijssen. Despues di e promé edishon den 2013 nos a bini ku un plan di 3 aña te ku 2016. E edishon di 2015 ta uni hopi forsanan huntu: e hungadónan profeshonal i e coach nan di Kòrsou, Febeko, KNBSB, MLB i por ehempel ISG. E añanan binidero nos lo ke hasi e CBW e evento di beibòl di más grandi den e region. Por ehempel nos lo ke bini ku más estreanan grandi di MLB i organisá un torneo huntu ku e evento aki.” Sigun Rogier van de Meer, direktor komersial di Blue Bay Resort.

Auction diner

E CBW ta kuminsa awe ku un auction diner ekslusivo ku ta pa un bon kausa, beisbòl na Kòrsou. Ademas di diferente ‘Baseball collectors items’ di tur e estreanan lokal, tambe lo tin artikulo ku no ta di beisbòl ku lo ta subastá. E findishi lo wordu guiá dor di maestronan den findishi di Kòrsou ku ta konosí ront mundu: Marro & Lauw Jacobs.

Komienso di Baseball Week

Vincent Zrour, Events Manager di Blue Bay Resort: “Un siman grandi lo kuminsá, e soño di hopi Kurasoleño lo bira realidad. Ku hopi plaser nos resort a risibí tur hungadó i coach awe i e siman lo bira un siman inolvidabel.

Zrour ta yama danki na tur e sosionan i spònsernan. E sosionan ta: Maduro & Curiel’s Bank, Curaçao Tourist Board, Insel Air, Corendon, ENNIA, Bay West i KNBSB. E Gold spònsornan ta: Alamo Car Rental, The Trader, de Jongh’s Sporthuis, Peter Reijmer Grafisch Vormgever (PRGV), Amstel Bright, Hendrick’s Gin i Spigt Dutch Caribbean. E Silver sponsornan ta: KLM, Coca-Cola Curaçao, The Wine Factory, Senal Sign, Event Services, CreativEyez, One Media Group, Deli Nova i de Gouden Ton.

 Presensia di hungadònan i coachnan den tòp

“Hungadònan manera Andruw Jones, Coco Balentien, Didi Gregorius, Jonathan Schoop, i tambe hopi otro peloteronan grandi ku lo tei presente e siman aki, ta ehempelnan pa e muchanan di Kòrsou. Peloteronan presente: Andruw Jones, Coco Balentien, Didi Gregorius, Jonathan Schoop, Jurickson Profar, Sharlon Schoop, Shairon Martis, Hainley Statia, Kevin Moesquit, Arshwin Asjes, Diegomar Markwell, Dashenko Ricardo, Carlton Daal, Kalian Sams, Gianison Boekhoudt, Ozhaino Albies, Chris Garia, Sherman Lacrus, Juremi Profar en Randolph Oduber. Nos ta orguyoso di e echo ku nan ta hasi nan maksimo esfuerso pa hasi e evento grandi aki algu grandi”, sigun Hensley Meulens. Además di Meulens, Steve Janssen (KNBSB), Ron Wotus (SF Giants), Jim Jones (ISG), Martijn Nijhoff (KNBSB) i Robert Coffie lo tei presente pa duna e seminarionan na Renaissance.

Ball Park night

E Ball Park night lo tuma lugá riba djabièrne 4 di desèmber  na stadion Tio Daou. Un anochi spesial pasobra hopi hungadó di nivel haltu i entrenadornan lo ta presente pa mustra nan talento. Portanan lo habri for di 16:00 or i e promé kompetensia di anochi lo start 17:00 or: RBI Senior League All Star Game. E “meet & greet” lo kuminsá 19:00 or ku tur hungadó I entrenadornan pa e personanan ku karchi VIP. E kompetensia di softball Team CBW vs Team Curacao lo start 20:30 despues ku Kris Berry I Jean-Jacques Rojer kanta e himno. Banda di 21:30 lo tin e tremendo Homerun Derby pa e streanan grandi di nos isla. Despues lo sigui ku un show di klapchi i pa kulminá lo tin un konsierto di Era live on stage!

Karchinan ahinda ta optinebel na Albert Heijn Zeelandia, Mensings Caminada, Bruna, 24 Uur Uit De Muur, Beep Beep Rio Canario i Blue Bay Golf. Kids 0-3 aña: Gratis. Kids 4-16 & 65+: Nafl. 10,-. Regular: Nafl. 20,-. VIP: Nafl. 125,- (inkluso un pechi i un meet & greet ku e hungadònan).