Trabou nan pa Drag Fest 2014 ta full den swing kaminda FAC y su Komishon Organisadó ta bai presentá na fanátiko, koredor y públiko di e deporte di drag race pa e fecha nan 29 y 30 di aprel y 1, 2 y 3 mei próksimo ku un kompetensia di drag race internashonal ku paisnan i isla nan nobo den e deporte di drag na Curaçao International Raceway na Ronde Klip. Despues di a sede Aruba e fecha nan na 2013 pa selebrá 30 aña International Raceway Palu Marga, FAC y su Komishon Organisadó ta bek ku e tradishonal kareda nan di Dia di Rei i Dia di Obrero ku ta Drag Fest. Pa selebrashon di 43 aña drag racing na Kòrsou i 17 aña Curaçao International Raceway e Festival di 2014 lo bai tin pa promé biaha 3 outo di Santo Domingo òf mihó bisa Repúblika Dominikana. Despues di 10 aña tin Hulanda ku ta bini Caribe ku 6 outo potente. For di Merka lo tei 8 outo ekstremo den kual di nan e Mazda RX 8 di Kòrsou, “Black Out”. Ounke e situashon di Venezuela no ta masha bon lo bai tin 2 outo ku ta “Zapato Grande 2” y “Black Rain”.Boneiru tambe a konfirmá ku 2 outo i algun motosaikel. Aruba tambe tin un kantidat di outo i motosaikel ku ya ta kla pa barka. Djamars 29 di aprel ku un outo i motosaikel show na Brionplein ku ta kuminsá pa 17.00. Djárason 30 di aprel Test & Tune Night, kuminsando pa 17.00. Djaweps 1di mei lo kuminsá ku e promé dia di kareda pa 19.00, kaminda lo kore e kategoria nan Super Pro Comp. 7.90, Super Gas 9.90, Super Comp. Bike 8.90 (Max 32 Bike) i E.T. Bracket No Box 13.99 – 9.20 (No Electronics). Ademas lo tin tèst y kualifikashon di e siguiente kategorianan: Extreme Import (Fastest 8 cars), Super Mod. A, Top Gun y Pro Bikes. Djabièrnè 2 di mei tin riba e di 2 dia di kareda e siguiente kategoria nan: Top Sportsman, Import Class (No Electronics), Super Comp outo 8.90, Quick 32 Bikes. Ademas lo tin kualifikashon di e siguiente kategorianan: Extreme Import (Fastest 8 cars), Super Mod. A, Top Gun y Pro Bikes. Djasabra 3 di mei tin riba e di 3 dia di kareda e siguiente kategoria nan: Extreme Import (8.00-Faster), Top Gun, Pro Bike, Krioyo Outlaw Bike (Fastest 16 Bikes), Curacao Super Street Bikes 9.30 – 9.60 ( Max 32 Bikes), Super Modified A i Krioyo Bracket 11.50 – 7.51. Entrada pa Test & Tune Night djarason 30 di aprel ta Ang. 25,= pa Adulto i mucha bou di 12 aña ta Ang. 5,=. Entrada pakete di 3 dia pa pit ta kosta Ang. 100,=  pa 3 dia pa adulto. Entrada pa pit djaweps 1 mei ta kosta Ang. 35,= pa adulto y mucha bou di 12 aña ta Ang. 20,=. Entrada pa sekshon general pa djaweps 1 di mei ta kosta Ang. 25,= pa adulto i mucha bou 12 aña Ang. 5,=. Entrada pa pit pa dia ta djabièrnè 2 mei ta kosta Ang. 35,=  y djasabra 3 di mei ta Ang. 50,=. Entrada pa pit pa mucha bou di 12 aña ta djabièrnè 2 di mei ta kosta Ang. 20,=  y djasabra 3 di mei ta Ang. 25,=. Entrada general pa adulto ta kosta Ang. 25,= pa persona pa dianan 2 y 3 di mei. Entrada general pa mucha bou di 12 aña ta kosta Ang. 5,= pa mucha pa dia. E aña aki tin oportunidat pa parker den sekshon B ku ta tira pa pit área ku ta kosta Ang. 25,=  pa 3 dia òf por para na sekshon D tras di tribuna di betòn pa Ang. 15,= pa 3 dia. Na momentu ku kumpra un Pit Pass tin e opshon di kumpra entrada pa SEKSHON B. I pa parkeo bo subi via e entrada pa Pit via Kaminda George Willems,  Di otro manera, mester bai via e entrada di Playa Canoa 1+ kumpra un parker pass di SEKSHON D. Wak pa bo reserva e dianan aki pa e selebrashon di 43 aña drag racing ABC y 18 aña Curaçao International Raceway. Danki na tur e spònser nan ku ta hasi Drag Fest 2014 posibel ku ta CTB ofisina di Turismo di Kòrsou, Curoil, NAPA Auto & Truck Parts, Alcolado Glasial, Gomez Shipping, AVF Antiliaanse Verf Fabriek, Coca Cola, Don Andres, Apache Heavy Equipment, Medina Cargo Services, Western Trading y Dunlop Tires, Fun Miles, Radio Rock Kòrsou 88.3 i Mi 95 ZFM 95.7.