Un biaha mas Fundashon Bon Intenshon ta pone talentonan lokal den spòtlight, yudá e biaha aki pa (CIBC) FirstCaribbean International Bank; Nos ta sumamente orguyoso di por anunsia Junior All Star Orchestra, bou di direkshon musikal di Gedeon Chandler komo banda hóben pa inisia e di dos edishon di Curaçao International BlueSeas Festival; (CIBC) FirstCaribbean International Bank a disidí di apoyá e idea pa presentá e orkesta hubenil aki, konsistiendo di hóbennan entre 11 pa 20 aña; Speshalmente pa e okashon aki, e hóbennan a bin ta prepará nan mes debidamente pa hasi e presentashon aki i pa mustra nan talento den e genero di músika aki tambe; Komo miembro di Pietermaai District, (CIBC) FirstCaribbean International Bank a mira e importansia pa nos hóbennan lokal por demostrá nan talento den Curaçao International BlueSeas Festival i a adoptá e idea aki mesora. E presentashon memorabel aki lo ta: Dia: Djaweps 5 mei 2016 Luga: Bar 27 – Ruyterkade Ora: 21.00 Nos lo ta sumamente honra, pa bisabo Bon Biní na inisio di e di 2 edishon di Curaçao International BlueSeas Festival