WILLEMSTAD – Djamars 26 di augustus lo bai tin un e evento spesial na Avila Hotel. Diferente artistanan top den musika di jazz lo trese na oido nan arte riba e tereno aki na tur ku lo bai ta presente. “Selebrá Jazz di Kòrsou” ta pa honra e 5 aña di Curacao North Sea Jazz i e anochi aki lo bai tin aktuashon crème de la crème di nos artistanan lokal di Jazz. Randal Corsen, Konky Halmeyer, Cedric Dandare, Eric Calmes, Pernell Saturnino en Marlon Conradus lo forma parti di e All Star band. Kantante estelar Izaline Calister lo duna un guest presentashon di kita sombré riba e anochi aki.
Karchi pa e konsierto di jazz ta kosta solamente Nafl. 35,00 i ta obtenibel na Mensings Caminada, 24 uur uit de muur i na Avila Hotel. Riba e anochi aki, un donashon lo wòrdu hasí na Ride for the Roses. E konsierto su orario pa kuminsa ta 19.00 i lo tuma luga riba plasa di Octagon, portanan lo wòrdu habrí for di 18.00. Riba e anochi aki lo bai tin asiento disponibel. E evento aki ta patrosina pa Curacao Tourist Board (CTB), Lovers, Orco Bank i PwC.