WILLEMSTAD- YANUARI 2015- Curaçao Marriott Beach Resort & Emerald Casino ta presentá nan promé ‘Tailgate Party’ djadumingu awó dia promé di febrüari. Loke ku ta keda konsiderá komo un tradishon merikano lo wòrdu presentá pa promé bes aki na Kòrsou na e lugá di stashoná outo na Curaçao Marriott Beach Resort. Un ‘Tailgate Party’ usualmente ta tuma lugá na un ‘parkinglot’ pafó di un stadion na momentu ku fanatikonan ta warda pa un enkuentro di futbòl merikano kuminsá. Durante di e ‘Tailgate Party’ tradishonalmente ta ofresé barbekiú i serbes-  Curaçao Marriott Beach Resort lo presentá djadumingu awó e promé ‘Tailgate Party’, ku nan propio ‘twist’. Lo pasa e wega entre New England i Seattle den Emerald Lounge pa 8’or di anochi.  E ‘Tailgate Party’ lo wòrdu tene entre 4’or i 7’or di anochi i ta ofresé un ‘all you can eat & drink’ barbekiú kompañá pa serbes bon friu- esaki pa $45 (dòler) pa persona, entretenimentu di DJ i ambiente na e ‘Marriott Drive Way’. Curaçao Marriott Beach Resort & Emerald Casino ta invitá tur fanátiko lokal di e deporte ‘American Football’ pa djadumingu awó disfrutá di e promé  ‘Tailgate Party’ na Kòrsou!