WILLEMSTAD- Novèmber 2015- Curaçao Marriott Beach Resort ta orguyoso di anunsiá re-apertura di su Palm Café, un sitio ku den transkurso di añanan a wòrdu bishitá dor di tantu lokal komo huéspetnan internashonal. Awor kompletamente renobá, Palm Café ta brinda un ambiente diferente kreá pa efekto di lusnan LED den diferente koló, stul i mesanan nobo i un pintura eksepshonal. Di akuerdo ku ehekutivonan di Curaçao Marriott Beach Resort e renobashon di Palm Cafe tabata un invershon di Usd. 100.000.  

Ademas di a renobá e interior di Palm Café, a hasi algun kambio tambe na e parti di bufèt ku awor tin un tòp di marmer, un kapa spesial ku ta manda friu i tene e kuminda na e temperatura adekuá i tambe stofnan elektróniko. Palm Café ta habrí tur dia pa desayuno, for di oranan trempan di mainta i tur djaluna anochi entre 6:30or pa 9:30or tin un sukulento BBQ. Riba dianan di fiesta tambe ‘Palm Café’ ta habrí. Tur ku ta desena di hür Palm Cafe pa eventonan i fiestanan privá por yama Curaçao Marriott Beach Resort pa mas informashon. Bishitá Palm Café awe mes i disfrutá!