Willemstad – Djabierne 9 di Oktober awor Korsow tei konose algu nobo i historiko den nos farandula na momentu ku tres kantante ku a marka pouta i kanta masha hopi HIT mes den nos farandula lo bai topa otro pa prome bia kara kara riba tarima anto den WTC. Ta trata aki di Gibi Doran, Boy Thode i Sidney Isidora miho konosi komo Mr Saab. Nan tres lo bai kanta tur nan hitnan di pasado i tambe esnan di presente kada un ku nan respektivo agrupashonnan musikal. Kiermen Boy Thode lo kanta ku ERA, Mr Saab lo kanta ku Doble R i Gibi Doran lo kanta ku GIO i Doble R. Un anochi uniko kaminda HIT tras di HIT lo bai zona pa bo baila den WTC. 

Alegria Sin Fin ta nomber di e espektakulo ku e organisashon Dance4life Events lo trese pa pueblo di Korsow djabierne 9 di Oktober den Exhibition Hall di WTC na Piscadera.
Karchinan optenibel na Tik Tak Punda, Beep Beep Rio, 24 uur uit de muur i tambe Mensing Caminada na rason di unikamente 55 florin. VIP single ta 175 florin open bar i sopi mientras pa VIP tables por jama 513-2841.