WILLEMSTAD.- Ayera tardi a habri su portanan ‘Servei, al suo Servizio’, un sentro di pago i servisio den kurason di Sta. Maria. ‘Servei’ bou di direkshon di Dino Servinus ta situá riba Winston Churchillweg den e kompleho di negoshi pega ku trùk di pan ‘Komelon’. Nan ta brinda servisio di pago pa entre otro Aqualectra, UTS, Selikor, TDS, Flow, Direct tv, Districo i asina por sigui menshoná. Fuera di esei, ‘Servei’ ta bai kambia brièchi i bende brièchi. Servisio di kopia i karchi di tur evento tambe lo ta na benta. ‘Servei’ ta habri for di 1’or di mèrdia te 10’or di anochi,  tur dia di siman. Pa mas informashon riba servisionan ku ‘Servei’ ta brinda por yama 868-0666 . ‘Servei’, bo sentro di pago i servisio den kurason di Sta. Maria.