E team di 8 atleta di Brazil Taekwondo Stichting a biaha pa Korea 17 di Juli y keto bay nan ta na Korea pa e campeonto y camptraining.

Siman pasa diamars e grupo di 8 atleta a cuminsa cu training na Pung Saeng High School y e training aki tabata dos biaha pa dia. E grupo di 8 atleta di Brazil Taekwondo Stichting no tabata e unico pais cu a participa na e training, e team di Norwaigen y Oman a participa na e training aki tambe.

Training ta asina pisa cu hasta e Koreanonan ta haya esaki duro. Locual a hala nos atencion ta cu si wak e Koreanonan, for di 100 atleta porta 2 so por tin un vet gehalte di 10. Tur ta flaco cu nan 6 packs ta cana rond. E otro cos cu a hala nos atencion ta cu, si nan no train cu smak of no haci un tecnica bon, e trainer lo keda ariba e tecnica ey te ora cu tur hende haciele bon. Esaki tabata e caso di e promer dia ora cu tabata tin Plyomatrix. Parti di nan straf tambe tabata cu pafor nan mester a core subi un sero, cada biaha 4 banda di otro.

Clifford Rasmijn kende ta e trainer y coach di Brazil Taekwondo Stichting a sigui tur e trainingnan cu a tuma lugar na Pung Saeng High School y a keda hopi satesfecho di e training, mirando cu Hakeem Lowe ta preparando pa e Campeonato Mundial di Cadet aki na Korea dianan 23-26 di Augustus. E trainingnan aki ta na nan lugar pa Hakeem Lowe y e team di Brazil Taekwondo Stichting. For di Diaranson mainta e grupo di 8 atleta a cuminsa cu e training na unda cu e promer dianan cos tabata hopi pisa pa e grupo, mirando e intensidad di e training cu ta manera machine tur hende ta.

Clifford Rasmijn di Brazil Taekwondo Stichting sa cu trabou tin pa haci, si Brazil Taekwondo Stichting su team di Train Hard Fight Smart kier yega na mas medayanan, primordialmente mester subi e intensidad di training. Brazil Taekwondo Stichting a demonstra caba cu nan ta ariba e caminda, pero tin un sero pa subi pa asina baha na e otro banda. Brazil Taekwondo Stichting por a wel di conta cu 3 medaya na Korea, pero ta bay train mas duro pa e proximo biaha cu regresa Korea multiplica esaki cu 2. Den e weekend e team bou guia di ex campeon mundial a hiba e grupo di 8 atleta pa conoce e Head Quarter di Taekwondo” Kukkiwon’ na unda cu a saca varios potret.

Training ta bay sigui dialuna te cu diabierna dos biaha pa dia na unda cu ta spera mas di e grupo di 8 atleta di Brazil Taekwondo Stichting.