Paranda cu Balashi ta sigui diabierna na SAP Bar Cu presentacion di Alma Next Level

ORANJESTAD, Aruba – 29 di october 2015: e di tres edicion di “Paranda di Balashi” ta tuma luga diabierna na SAP Bar situa na Sero Patrishi na Paradera. E evento ta cuminsa 7:00pm y lo inclui varios wega cu cerbes, prijs reduci, presentacion di alma Next Level y premionan na cantidad.

E prome edicion di “Paranda di Balashi” a tuma luga riba Linear Park na Hamaca, Sandra’s, Roadside Cafe y Chill Cafe. Ey tabatin presentacion di Grupo di Betico, The Failures y Rincon Boyz. Siman pasa diabierna e ambiente a continua pero na Fermin’s Bar cu presentacion di Grupo di Betico.

Paranda cu Balashi a bira un exito di aña pasa caba, cu presentacion di varios banda musical, entretenimento y mucho mas. E cerbes netamente Arubiano ta percura pa hinca henter comunidad den ambiente di fin di aña.