Den luna di yüli Kòrsou tabata sede pa e eksitoso Caribbean Jamboree 2014, kaminda mas ku 850 Scout di diferente pais a partisipá kreando amistat i tambe interkambia kultura ku otro. Komunikashon entre gruponan di  scouting ta sigui, den un tremendo Jamboree na luna di òktober kual ta JOTA JOTI 2014, kaminda miles di Scout di mas ku 150 pais rònt mundu ta komuniká ku otro  via sistemanan di radio i internet. E aña aki JOTA JOTI lo tuma luga e wikènt  di 17 pa 19 di òktober rònt mundu. Bo ta puntra bo mes kiko ta JOTA JOTI ? JOTA ta para pa Jamboree On The Air, ku ta un aktividat anual,ku e aña aki lo wòrdu òrganisa pa di 57 bes. E meta di JOTA ta pa e Scoutnan komuniká i sera kontakto via sistemanan di Radio Amatùr i otro sistemanan tékniko kaminda por deskubrí amistat nobo i kompartí idea ku otro gruponan di Scouting internashonal. JOTI ta para pa  Jamboree On The Internet, ku lo wòrdu òrganisa pa di 18 bes, kaminda e Scout di kualke parti di mundu por konektá via sistemanan di Internet, ku oportunidat pa Chat, Skype i hopi mas via di kòmputer, tablet i tambe telefòn. Scouting  Antiano tambe ta den preparashon pa e tremendo JOTA JOTI 2014, kaminda pueblo di Kòrsou tambe por sigui tur desaroyo riba e Jamboree benidero, kual lo tumá lugá dianan 17 pa 19 di òktober na Kòrsou aya na Kampeercentrum Rondeklip. Keda pediente pa hopi mas di JOTA JOTI 2014 i bishitá nos facebook page : Jota Joti 2014 Curacao.