Willemstad – Bo fin di aña no por sera mas miho despues ku djaluna dia 29 december bo baila Kassav huntu ku ERA i Cache den WTC. For di dia ku a anunsia esaki, hendenan a kuminsa buska karchi. Tur esaki paso tur hende sa ku Kassav no ta kos di pèrdè. ERA ta konosi pa su piesanan ku añanan largu ta hit i ku nan zona dansflur ta yena sin duda. Cache tambe ta konosi kaba i no mester masha introdukshon. Nan ta e agrupashon musikal ku fin di aña tin e kaya domina. Nan a yega di toka kaba huntu ku Kassav na Hulanda i no tin palabra pa splika kon bon e ambiente aki tabata. Dia 29 December awor, portanan lo habri 8or. Karchinan pa e fiesta aki a sali kaba na Mensing’z Caminada, 24 Uur uit de muur i tambe Tik Taki i ta kosta $100 (180 florin) i pa VIP ta $200 (360 florin). Pa mesa VIP (6 persona) por yama 562-1229. (562 dec 29)