Djadumingu dia 21 sèptèmber 2014 nos ta selebrá dia di Pas. Grupo di scouting Nafasie a selebrá i rekordá e fecha aki na un manera spesial , e miembronan huntu ku lidernan a hasi un “speurtocht” den kaya di Punda i parti diferente pamflèt ku e mensahe di pas. Tambe nan a probechá di saka potrèt na e konosí Wilhelmina plein kaminda tin e lèter bunita ku ta identifiká nos isla “Curaçao” i alabes ta ilustra kon dushi hende nos ta ! E promé hende ku a inmortalisá e momentu aki tabata e fotógrafo, dosente i tambe guia spiritual di iglesia Katoliko sr. Armand Hellement Jr. I ku alabes tabata e promé persona ku a risibí e pamflèt ku e mensahe di Pas sigui pa Erwin Sprott ku ta un lider di hopi eksperensia den Scouting Antiano i den gruponan uniformá. Asina demostrá e balor di pas den kada grupo, rasa i kolo den nos komunidat ku nos por ekspresá pas den deskriminá ningun hende. Nafasie groep ta spera ku hinter Kòrsou por den e ambiente di Pas den nos dushi isla. Danki tambe na tur lider ku ta koperá tur siman ku aktividat edukashonal i rekreativo pa ku e grupo spesial aki. Danki pa e bunita koperashon di boso media pa publiká i anunsiá e esfuerso ku e grupo aki di hóbennan i adulto nan spesial ta hasi pa i ku nos komunidat.