Riba Dia di Bandera Fundashon Stripan ta selebrá dia di Patriotismo den kurá di Museo di Tambú Shon Cola. Djadumingu 2 di yüli 2017, Fundashon Stripan ta organisá un dia krioyo kuminsando for di 10’or di mainta te ku 8’or di anochi ku e siguiente tayernan:

– Tayer ‘Historia di Trùk di Palu’ ku dr. René Rosalia

– Tayer ‘Tapa Karbon’ ku sr. Reynold Vrutaal

– Tayer ‘Pastechi di Kòrsou’ ku sra. Bila Henriquez

– Tayer ‘Kurti Kueru i Rèk Barí’ ku sr. Ruben Rosalia

– Kombersatorio ‘Plantamentu Orgániko’ ku sra. Melinda Rosalia-Statia

Entrada i partisipashon na tur tayer ta kompletamente gratis.

Manera ta kustumber e kushina krioyo lo tin un menú amplio ku platonan krioyo manera Tutu ku bakiou, Karni, Sneibonchi, Papaya, Kolo i Pampuna stobá, Kabritu, Piská, Kabes ku igra tur sirbi ku funchi òf aros, Repa di pampuna i varios Sòpi ku pan será. Pueblo di Kòrsou kompleto ta keda kordialmente invitá pa bin pasa dia i huntu nos fortifiká nos patriotismo den Kurá di Museo di Tambú Shon Cola, na Sabana Baka 31. Pa más informashon ‘Like’ nos Página di Facebook @FundashonStripan i tambe @MuseoShonCola. Fundashon Stripan: na vanguardia di marka di kòrsou.