WILLEMSTAD: Digicel tambe a selebrá dia di ‘Thanksgiving’, esaki a bai pareu ku un promoshon spontáneo na unda ku e skohe 3 kliente Postpago i 2 kliente di e paketenan nobo di Hybrid komo ganador pa un gesto spesial. Di akuerdo ku Shayenne Rock marketing manager di Digicel, “Nos ta hasi hopi promoshon pa klientenan ku un Prepago, e biaha aki tabata turno di klientenan ku un Postpago. E idea tabata pa sorpresá e klientenan. Thanksgiving Day ta un dia pa yama danki- p’esei mes un danki na tur kliente ku ta skohe pa Digicel”.

 E klientenan ku a risibí un apresio durante di e akshon spontáneo a bishitá Digicel Biesheuvel, djaweps dia 26 di novèmber último hustamente riba Thanksgiving Day. Kada un a bai kas ku un regalo di Digicel i un MCB Gift card. Si bo ta un kliente postpago di Digicel bo tin hopi benefisio, ademas di tur esei bo tin chèns di bira ganador den diferente promoshon tambe. Masha pabien na Leonie Leidelschenk, Myron Wijman i Cherise Hernandez. Esnan ku a apliká pa Hybrid tambe tabata tin chèns di gana den e promoshon aki; pabien na Micheal Demei i Denis Gutierrez.