WILLEMSTAD:- Yüli, 2015 – Djabièrnè 24 di yüli último Digicel a demostrá su apresio na famianan, boluntarionan i komité di organisashonnan lokal di mas ku 23 pais durante un evento na Los Angeles, California den e prestigioso Westin Bonavenure Hotel. E sena a tuma lugá riba e piso di mas haltu di e hotèl; a rekonosé e esfuerso kontinuo ku e invitadonan a realisá den preparashon pa Summer Games. Boluntarionan i funshonarionan di Special Olympics ku a tuma tempu pa asistí na e evento a disfrutá di un anochi pa relahá promé ku e seremonia di e apertura ofisial ku a tuma lugá riba e mesun dia na Los Angeles Coliseum. Hopi ta esnan ku a probechá e okashon pa rekonektá ku èks partisipantenan i kompartí anékdotanan promé ku e weganan. Digicel ta kontribuí na Special Olympics pa mas ku 15 aña den mayoria di su merkadonan ku inyekshonnan finansiero importante pa fasilidatnan atlétiko, coach, ekipo i proyektonan di integrashon sosial ku ta inkluí aktividatnan deportivo manera; DigicelKickStart Clinics, torneonan di Caribbean Premier League i programanan di konstitushon pa avansá e kousanan di esnan ku tin nesesidatnan spesial.

Segun CEO Regional di Digicel Sr. John Delves, “Digicel su envolvimentu den Special Olympics i e programanan dediká na atletanan ku nesesidatnan spesial tin atenshon di henter nos organisashon, for di den tòp di nos empresa te na nos empleadonan. Nos presidente, Denis O’Brien a kontagiá nos tur ku ta forma parti di Digicel ku e  pashon pa yuda Special Olympics i atletanan spesial den tur merkado na unda ku nos ta operá. Sinembargo nos esfuerso no ta di kompará ku esun di tur entrenadó, boluntario òf famia ku tur dia di nobo ta yuda e atletanan spesial den nan meta pa sobresalí. Ta un honor pa Digicel pa saludábo awe i felisitábo pa e tremendo trabou ku kada un di boso a bin ta realisá ku e atletanan spesial”. E evento a konta ku presensia di vários dignatario di rònt mundu manera Hon. Tolofuaivalelei Falemoe Leiataua representante di Samoa’s Minister for the Ministry of Women, su ekselensia Ann Anderson kende ta embahador Irlandes na Merka, Mary Davis, Presidente di Special Olympics Europeo/Eurasia i vários hefe di delegashon.

Den un presentashon Lorna Bell, Presidente di Special Olympics Jamaica i profesor Alldrick McNabb, un di e patrosinadònan di Special Olympics Jamaica (Futbòl) a presentá un karta emití pa Presidente Minister Presidènt di Jamaica, Portia Simpson Miller na Sr. Denis O’Brien den kual a ekspresá gratitut pa Digicel su kontribushon na e tim di Jamaica i e programanan di Special Olympics. Tambe Sra. Bell i Sr. McNabb a presentá un kompilashon di potrèt di e momentunan memorabel di e tim di Jamaica den preparashon pa e weganan. Nos merkadonan no a keda afó, tantu na Kòrsou, Aruba i Boneiru Digicel a realisá donashonnan kuantioso i a yuda den rekoudashon di fondo pa atletanan spesial por a bai partisipá.