ESO – Evento | Show | Otro

Digicel AppSeeker optenibel den Google Play i den My Digicel

Awor den Apple App Store tambe Yudando klientenan deskubrí i disfrutá di e último aplikashonnan

Djaluna 2 di Novèmber, 2015 – Willemstad, Curaçao:  Entrante awe, klientenan di Digicel rònt mundu por deskubrí i disfrutá di e último aplikashonnan ku ta optenibel mediante Digicel AppSeeker. Ku lansamentu di Digicel AppSeeker e ta bira fásil pa klientenan keda na altura di e último tendensianan. Por download esaki grátis for di Google Play i pa tur usuario di telefonnan marka Digicel e.o DL810 i DL1000 e ta bin inkluí den nan smartphone.

Digicel AppSeeker,ta un aplikashon nobo i ku posibilidat di wòrdu personalisá. Ademas di hasié fásil pa usa, e ta yuda e usuario yega na kontenido di e aplikashon mas lihé i e ta sugerí aplikashonnan basá riba e usuario su interes. Digicel AppSeeker ta un manera simplifiká pa tur kliente ku ta buska pa optimalisá nan eksperensia ku un smartphone.

Otro notisia alentador; Digicel ta kontentu di anunsiá ku e aplikashon My Digicel Self-Care awoki ta optenibel den Apple App Store.E direktor Komershal di Karibe i Sentro Amerika ta splika; “Ku introdukshon di Digicel AppSeeker i e ya konosí My Digicel App, nos ta habri e mundu di aplikashon pa nos klientenan i na mes momentu ta yuda nan eksperiensiá nan smartphone mihó. Sea ta kontenido edukativo, informativo, músika òf entretenimentu- tur aplikashon ta optenibel i fásil pa haña. E aplikashon ta sugerí e usuario na e kontenido deseá, basá riba e usuario su interes. Awòki, klientenan ta riku na informashon. Nan por fásilmente desaroyá nan konosementu riba kualke tópiko usando e aplikashon aki”.

Por download e aplikashon asina:

 

Lindomar