Diabierna ultimo Digicel a celebra su di 13 aniversario como miembro di e comunidad di Aruba. Invitadonan di e segmento “Digicel Business” a goza di un celebracion intimo riba parkinglot di PwC, cu musica tropical presenta riba steelpan pa Lee Connor y un DJ, y bon compania di e team di benta, retail y mercadeo di Digicel.
Digicel Aruba CEO, esta Bob Sprengers, a resumi un poco di e historia di Digicel, y a gradici clientenan y amigonan fiel pa nan lealtad y negoshi.
Digicel Aruba a wordo estableci na 2002, y oficialmente a subi mercado cu su producto y servicionan na aña 2003. Aruba tabata e di cuater mercado Caribense pa Digicel, y despues di Aruba e compania a habri 28 mercado mas den Caribe, Latino America, y Asia Pacifico.
E CEO di Digicel Aruba a laga sa cu Aruba semper lo tin un luga special den e curazon di e compania mes, y particularmente di su fundado Denis O’Brien como un di e prome mercadonan pa su compania.
Digicel a hunga un rol sumamemente importante den e desaroyo di servicio, producto, desaroyo tecnico y prijs den e mercado di telecomunicacion di Aruba. Semper inovando y progresando, Digicel Aruba semper tin diferente proyecto y producto nobo den diferente fase di planning y ehecucion. E expansion di e segmento Digicel Business ta inclui servicionan manera PBX; tarifanan pa yama “fixed” cu ta mas economico; servicionan di siguridad pa cu “back-up” y “data”; servicionan di “cloud”; conectividad di Internet; y mucho mas.
Sprengers a splica esunnan presente cu tin proyectonan di fiber na caminda, manera di custumber di un calidad halto, cu e miho servicio y e miho prijsnan.
Den su discurso, Bob Sprengers a anuncia cu hopi orguyo cu seis di e empleadonan cu a cuminsa cu Digicel Aruba na su lansamento ainda ta coleganan leal. El a agrega cu entre e invitadonan tambe tin un cantidad grandi di clientenan cu a scoge pa Digicel 13 aña pasa, kende ainda ta cliente, y cu ta un honor pa e compania tin nan como parti di e famia di Digicel.
Finalisando e discurso staf y personal di Digicel Aruba a brinda hunto cu nan invitadonan pa e 13 añanan di inovacion y exito, y pa un futuro fabuloso.