Den cuadro di celebracion di e di 20 aniversario di e institucion y Luna di Mucha

ORANJESTAD, Aruba – Mei, 2017: E team di Digicel Aruba recientemente tabata anfitrion di un dia yena di actividad dibertido pa alumnonan di Traimerdia, un instituto pa cuido despues di scol. Esaki den cuadro di e celebracion di e di 20 aniversario di e instituto, y conmemorando Luna di Mucha. Traimerdia ta ofrece cuido despues di scol y otro asistencia na alumnonan, incluyendo huiswerk y weganan educacional pa stimula nan desaroyo.

E celebracionnan cu a tuma luga na Aruba Entertainment Center a inclui varios treat pa e muchanan, manera nan cumindanan faborito y weganan dibertido, y competencianan di LEGO, puzzel y monopoly.

Branding y Marketing Manager di Digicel Aruba, esta Jennifer Kock, a bisa; “Pa duna bek na e desaroyo di e comunidad pa medio di ensenjansa ta un causa hopi cerca di nos curazon, pues nos ta hopi contento di por a pasa tempo cu e muchanan. Nos team a pasa hopi bon lesando pa nan y hungando cu nan, y ya caba ta entusiasma cu un futuro bishita.”

El a agrega; “Mi kier gradici e team di Traimerdia pa ofrece nos e oportunidad pa duna bek y ta felicita nan cu e trabao fantastico cu nan ta haciendo pa y cu e muchanan.”

Digicel ta brinda sosten na e famia di Traimerdia for di 2012. Adicional di e bukinan y otro materialnan, Digicel ta provee fondonan necesario pa un programa di lesamento, cu ta inclui training pa e lidernan di grupo.