Kumpra bo pakete awe mes i djòin e ambiente
Willemstad, Curaçao – Karnaval ta den full swing, ya kaba a kuminsá prepará stelashi kant’i kaminda i gruponan a wòrdu formá pa disfrutá di e marchanan di Karnaval 2014. Manera tur hende sa kaba , e aña aki Digicel i InselAir lo forma parti di e ambiente di karnaval. Digicel lo djòin InselAir na e ‘Red Hot Spot’ (stelashi) ubiká na Weg naar Welgelegen. Hopi ta esnan ku lo hasi e ‘Red Hot Spot’ nan sitio di eskoho pa disfrutá di e marchanan durante di e temporada di karnaval aki. Ta einan lo tin e ambiente, e goso i un kantidat grandi di premio. Tantu Digicel i InselAir ta invitá pueblo di Kòrsou pa disfrutá di e marchanan huntu ku nan na Weg naar Welgelegen. E stelashi lo tin un kapasidat di 800 persona. Di akuerdo ku e representantenan di ámbos empresa, e reakshon ta sumamente positivo. Por fèrwagt ku e ‘Red Hot Spot’ lo ta e stelashi ku mas ambiente kantu di ruta. Tin diferente pakete ku a wòrdu diseñá, di forma ku por akomodá tur hende. Por skohe pa partisipá na e ‘Red Hot Spot’ pa tur 4 marcha, 3 òf 2 marcha. Di kada pakete ku wòrdu bendí, 15 florin lo bai pa Special Olympics Curacao. Reservá bo pakete pa famia, amigu òf konosínan awe mes i kontribuí na un manera spesial.
Paketenan ‘Red Hot Spot’:
E pakete pa 4 marcha (marcha hubenil, teener parade, marcha grandi i marcha di despedida) lo ta na balor di 195 florin, 3 marcha lo kosta 175 florin miéntras ku 2 marcha lo kosta 145 florin. Pa muchanan entre 2 i 12 aña e paketenan ta; 115 florin pa 4 marcha, 105 florin pa 3 marcha i finalmente 90 florin pa 2 marcha. Muchanan te ku 2 aña ta partisipá grátis. E pakete ta inkluí; tshirt, kuminda i bebida, tualèt, seguridat, paramédiko, un stelashi kompletamente kubrí i un kura será, tambe seguro pa tur presente. Lo tin entretenimentu pa mucha ku ta inkluí un kancha di básketbòl i futbòl, pòpkòrn, pintamentu di kara, un show di magia i un kamber ku èrko inkluyendo kuido pa mucha. Pa adultonan tambe lo tin un programa di entretenimentu bon hinká den otro, ku ta inkluí premionan atraktivo. Ambiente ‘wardando marcha’ lo ta den man di Armando Huerta i MC Monty. 
No tarda muchu i kumpra bo pakete awe pa bo i bo famia òf grupo di amistat. E tshirt mas kreativo lo gana premionan atraktivo. Djòin e ‘Red Hot Spot’ i disfrutá di karnaval. Kumpra bo pakete na ofisina di InselAir na Dokweg òf hasi bo reservashon pa partisipá na e stelashi di Digicel i InselAir via fly-inselair.com/carnival