Un ‘boost’ pa turismo i ekonomia di e pais

WILLEMSTAD, Kòrsou / Port-au-Prince, Haiti- Febrüari 2015: Djarason último Marriott Port-au-Prince, Haiti ku ta e mas resiente hotèl di e kadena di Marriott a ‘check-in’ nan promé huéspetnan. Entre e 200 empleadonan di e hotèl tambe a figurá presidente di Haiti, sr. Michel Martelly tambe èks presidente di Merka sr. Bill Clinton, fundador i presidente di Digicel Group, sr. Denis O’Brien i presidente di Marriott International- Caribbean & Latin America Region, sr. Craig S. Smith. E hotèl ta habri ofisialmente dia promé di mart, miéntras ku mas lat den luna di yüni lo prepará un evento pa selebrá e apèrtura ofisial. E plan pa konstruí Marriott Port-au-Prince a kuminsá 4 aña pasá ora ku Marriott International a yuda Clinton Foundation pa proponé un hotèl nobo i di e forma aki yuda rekonstruí Haiti su industria turístiko despues di e temblor devastador na 2010. Digicel Group a resultá un partner grandioso den henter e proyekto i a invertí 45 mion dòler (US$45 million) pa konstruí e hotèl di 175 kamber. Bill Clinton a ekspresá gratitut na tantu Digicel komo Marriott pa nan kompromiso ku e proyekto i ta mira esaki komo un paso importante den direkshon pa revitalisá i diversifiká ekonomia di Haiti. “Ta di spera ku otro invershonistanan por sigui e ehèmpel di e dos empresanan”. Fundador i presidente di Digicel Group, sr. Denis O’Brien ta komprometé pa atraé mas invershonista internashonal pa Haiti i di e forma aki yuda rekonstruí e pais. Sr. Denis O’Brien fundador i patrosinador di Digicel Foundation a konstruí 150 skol na Haiti i tambe a rekonstruí e íkono ‘Iron Market’ na Port-au-Prince. Ademas di esaki, sr. Denis O’Brien ta e presidente di Clinton Global Initiative’s/ Haiti Action Network i tabata instrumental den atraé 80 organisashon na Haiti pa yuda e komunidat. Di akuerdo ku sr. Denis O’Brien, “Nos a bisa for di un prinsipio ku nos ta komprometé ku rekonstrukshon di Haiti i di por sostené su desaroyo, esaki ta inkluí atraé invershonista. Nos ta hopi kontentu di por habri porta di Marriott Port-au-Prince”. Durante e trayekto di konstrukshon, e hotèl a krea mas di 1,100 kupo di trabou. Awòki ku e hotèl ta klá, e ta empleá 200 persona. Marriott Port-au-Prince tin 170 kamber, 5 ‘suit’- tur ta inkluí e signaturanan ofisial di Marriott- kama i matras ta ‘premiun’ manera ta kustumbrá di Marriott, tambe ta inkluí ‘high-speed’ Internèt i televishonnan ‘flatscreen’. E hotèl tin su propio restorant, un lobby bar i un ‘lounge’, ademas di esaki tin ‘room-service’ 24 ora. E hotèl ta figurá 604 meter kuadrá di ‘meeting space’, un gym di 150 meter kuadrá, pisina i establesimentunan di primera. Pa mas informashon por bishitá: www.digicelgroup.com / www.marriott.com / www.marriotthotels.com