…Eksitoso Mega Jump In…

KRALENDIJK- Febrüari,2014; Karnaval ta den full swing i Digicel ta den tur skina! Tabata djadumingu último ku Digicel a partisipá na e Mega Jump-In. Esaki tabata e úniko jump-in pa e temporada di karnaval 2014. Hopi tabata esnan ku a probechá e momentu pa sali kas i disfrutá di e ambiente di karnaval na Stadion di Kralendijk. “Ku e patrosinio na e Mega Jump-In nos ke konfirmá nos kompromiso ku komunidat boneriano i e fiesta kultural, karnaval. Den e temporada di goso nos ta haña oportunidat di uni nos komunidat, laga tur diferensia un banda i pone tur nanishi den mesun direkshon. Mas ku un fiesta di goso, nos ta selebrá union di un pueblo”, di akuerdo ku Irvinia Daantje, relashonista públiko pa Digicel Boneiru. Digicel huntu ku vários otro partner a uni pa hasi e Mega Jump-In realmente eksitoso. Un públiko grandi ku a disfrutá  den un ambiente tur afó krea pa ERA Outéntiko. Tambe tabata tin presentashon spesial di Rei di tumba di Kòrsou, Ike Jesurun i Rei di tumba di Boneiru, Garrick Angela ku a bòltu e stadion boka abou. Digicel ta felisitá A&R Productions ku por mira bèk riba un jump-in sumamente eksitoso kargá ku bon ambiente.