Adelanto riba bo krédito di yamada: Papia 2 minüt èkstra maske bo no tin saldo

WILLEMSTAD:- Si bo no tin krédito, e no ta un problema. Anteriormente e tabata un pesadía ora ku krédito kaba i mester hasi un yamada. Awòki, ku introdukshon di ‘Credit Advance’ di Digicel- tin solushon. ‘Credit Advance’ ta pèrmití e kliente papia pa 2 minüt, despues ku e krédito a kaba. E servisio aki ta pa klientenan pre-pago ku un SIM regular. Klientenan post-pago òf turistanan no por hasi uso di e servisio aki. Digicel ta ofresé e kliente un ‘luf’ pa un dia, ya ku e adelanto ta bálido pa 24 ora. Por aktivá e servisio aki dor di suskribí na *170#- por hasi esaki ora ku e kliente tin krédito riba su telefon; no ta importá e saldo riba e kuenta. Ta importante pa hasi menshon ku e ‘Credit Advance’ tin gastunan di servisio; na momentu ku e kliente hasi uso di e adelanto di krédito, lo kobra 0.20 sèn for di e próksimo rekargo.  Ehèmpel: si e kliente a usa 1 florin di avanse riba su krédito, e próksimo bes ku e rekargá ku un karchi di 5 florin, e saldo lo bira 3,80. A dedusí e 1 florin di avanse plùs e 20 sèn di gastu di servisio.  “E servisio aki ta pa yuda un kliente den pèrtá. E ta ideal pa hóbennan ku tin un telefon selular i ku mester yama nan mayornan. Si karchi a kaba- ya no ta un problema, semper por hasi e yamada di urgensia òf emergensia”, esaki di akuerdo ku representante di Digicel Korsou. Pa mas informashon di ‘Credit Advance’ bishitá e wepsáit http://www.digicelcuracao.com òf yama sentro di servisio pa kliente na number +5999 7361056 òf 145 grátis for di bo selular di Digicel. Por komuniká tambe via Facebook https://www.facebook.com/DigicelCuracao. *Tin kondishonnan aplikabel.