Djasabra awó dia 31 di yanüari:

KRALENDIJK, yanüari 2015: Digicel ta masha kontentu di por pone su skouder bou di un evento ku ta sostené artistanan lokal i kreatividat di e komunidat di Boneiru. E aña aki, Digicel ta sostené e Festival di Tumba Boneiru komo patrosinadó ‘Platinum’. “Nos ke duna nos aporte pa e festival aki sigui krese; kontinuidat ta masha importante si nos ke sigui duna kompositor, areglista i kantantenan di Boneiru un plataforma pa por presentá nan kreashonnan. Digicel ta komprometé ku e pueblo boneriano, su kultura i su artistanan. For di awòki, nos ke deseá tur partisipante hopi éksito pa djasabra awó”, esaki di akuerdo ku Gerente General di Digicel Boneiru, sra. Rachel Brathwaite. Ta di spera ku djasabra awó- dia 31 di yanüari, Stadion di Kralendijk lo ta kolmá di hende pa presensiá e Festival di Tumba, tantu esun hubenil i esun grandi. Digicel komo patrosinadó ‘Platinum’ ta invitabo kumpra bo karchi pa adulto $10 i pa muchanan entre 5 ku 12 aña karchinan ta kosta $5. Por kumpra karchi na Stadion di Kralendijk djasabra mes for di 10’or di mainta. Digicel ta invitabo pa disfrutá di Festival di Tumba Boneiru djasabra awó!