ELIMINÁ TUR GASTU INESPERÁ: KONTROLÁ BO PROPIO UZO!

KRALENDIJK:-  Digicel ta eliminá tur gastu di sorpresa ku por presentá pa e kliente. Ántes, ora e plan di data tèrminá- e kliente lo a paga pa kada 1MB ku ta kai for di su pakete, esaki lo por redundá den un gastu èkstra. E sistema nobo ta muchu mas bentahoso ku esun anterior, ‘pay as you go’. E bentaha di por kontrolá e uzo di data, ta un benefisio ku e kliente ta mira inmediatamente. E por aktivá na su propio deseo i nesesidat. “Nos ke duna e kliente oportunidat di kontrolá su propio data, na midi di su uzo, pues no tin gastu inesperá.  Si e kliente no skohe su plan, e no ta risibí data- pues e kontròl di su ‘data usage’ ta den su plant’i man”, esaki di akuerdo ku Sr. Hans Lute, CEO Digicel Dutch Caribbean. Digicel ta introdusí un data plan nobo; $ 1.19 pa 30 MB pa dia,  e plan ta renobá outomátikamente tur dia;  e por ‘chat’ i ‘app’ ki ora ku ta i na unda ku ta sin interupshon- i disfrutá di e ret 4G di Digicel.  Awó e kliente por hasi uso di data solamente ku un plan aktivo. Na momento ku e plan òf data kaba e lo por aktivá kualke plan di Digicel sin restrikshon. Esaki ta evitá e gastu èkstra pa kada 1 MB ku ta kai for di su pakete. Tur plan di data eksistente; 1 dia- 3, 7, 14 òf 30 dia a wòrdu reprogramá i lo keda kanselá ora ku e kliente su MB (data) kaba. Ta importante suprayá, ku e kliente lo mester reaktivá kualke plan di data na momentu ku su data kaba pa e por sigui disfrutá di e ret 4G di Digicel. Pa mas informashon bishitá e wepsáit http://www.digicelbonaire.com òf yama sentro di servisio pa kliente na number 145 grátis for di bo selular di Digicel òf +5997174400. Por komuniká tambe via Facebook www.facebook.com/DigicelBonaire