…gana 2 karchi pa mira Usher!…

WILLEMSTAD-JÜLI: Gana dos karchi pa CNSJ ku Digicel; partisipá ta fásil! Digicel ta regalando un kliente dos karchi pa e último anochi di CNSJ. Ken no tin gana di mira e artista ganador di multiple Grammy Awards, Usher den full akshon huntu ku Luis Miguel i demas artistanan durante di nan presentashon den CNSJ e aña aki? Esaki ta bo chèns! Tin 3 diferente manera pa gana, pues realmente ta 1,2,3 fásil! Pa partisipá , aktivá One Rate- manera ya tur hende sá, esaki ta e plan ku e tarifa mas abou na Kòrsou. Rekargá bo kuenta ku 10 florin òf mas, yama *160# i aktivá- outomátikamente bo tambe ta partisipando pa GANA e 2 karchinan. Tambe por apliká pa e sistema di pago di ‘direct debit’ pa esnan ku tin telefon post-pago òf por SMS JAZZ na 2000, kada SMS ta kosta 20 sèn. Tin 6 karchi total pa wòrdu ganá, 2 pa e ganador di SMS, 2 pa ‘direct debit’ i finalmente 2 pa e ganador di e plan di One Rate. Un persona lo gana ámbos karchi pa mira Usher, live den konsierto djasabra 31 di ougùstùs próksimo. * Tin kondishonnan aplikabel. ”Esaki ta djis algu èkstra ku nos ke hasi pa nos klientenan, ta un manera di mustra apresio. Hopi ta esnan ku tin e deseo pa bai mira e line-up impreshonante di artista ku lo ta di bishita pa e CNSJ, nos ta duna 3 oportunidat di partisipá ya tur hende tin chèns di gana ”, esaki di akuerdo ku Thessa Fleming, relashonista públiko di Digicel Kòrsou. Keda pendiente di e página di Facebook di Digicel pa keda na altura di tur e promoshonnan ku tin den e temporada aki. Por partisipá pa e karchinan di CNSJ te ku 27 di ougùstùs.