MAS DI 100 ESTABLESIMENTU PARIBA I PABOU DI BRÙG

WILLEMSTAD:- Digicel ta sigui informá su klientenan riba e diferente posibilidatnan ku tin pa por rekargá nan telefon selular. “Tin diferente opshon fásil i lihé pa e kliente rekargá su selular”, esaki di akuerdo ku Sr. Lute, CEO pa Digicel Dutch Caribbean. Un di esnan mas komun i mas sigur ta via di e sistema pagomátiko. Digicel mes tambe tin diferente programa pa rekargá krédito riba telefon selular sin gastu adishonal. Digicel ta rekòrdá ku ademas,  ku tin diferente otro manera pa rekargá telefon.  Durante di e último dianan Digicel a sigui hasi su esfuersonan pa krea konsiensia i tambe informá su klientenan riba puntonan di benta tantu pariba komo pabou di brùg. “Apesar di e situashon un poko kompliká, nos ta sinti ku nos klientenan ta demostrá komprenshon pa e situashon i pa esaki nos ta sumamente agradesido”, di akuerdo ku Lute di Digicel. Por kumpra karchi di telefon na tur 3 establesimentu di Digicel; Megastore na Biesheuvel, na Tesoro Plaza St. Maria i tambe na Brionplein. Tambe serka tur rebendedó di Digicel, Supermerkado, Pòmpstashon di CurOil òf serka e mas di 100 establesimentunan ku a keda publiká e siman aki den diferente medionan di komunikashon. Ademas di bai e diferente sitionan menshoná, tambe por hasi uso di sistemanan elektróniko. Por uza por ehèmpel ‘Credit Me, Credit You’- aki ta na unda por ‘kompartí’ bo krédito ku un amigu òf familiar tambe por manda krédito un pa otro. Pa hasi uso di Credit me, Credit ypu bo tinku yama *127* + number di selular* + montante #. Por ehempel (*127*59991234567*10#). Esaki ta sin gastu adishonal.  Via di ATM di MCB, BDC i Giro Bank. Sistemanan di pagomátiko òf pagafásil (E-Pin). Tambe por bishitá e wepsáit di Digicel http://www.digicelcuracao.com i primi “Services”/ “Top-Up”.  Próksimamente Digicel lo manda un SMS pa e base di su kliente pa informá riba e sitio di ‘Top-Up’ mas serka di dje basá riba su ubikashon, tur esaki pa sigui informá i fasilitá e kliente.