E ‘all in one’ plan pa Hybrid i Postpago ta ‘Unbeatable’
WILLEMSTAD: Ya pa algun tempu por a nota algun ekspreshon ku ‘BringTheBeat’ di Digicel; por a tuma nota di e mesun BringTheBeat durante di algun aktividat di deporte i resientemente durante di algun evento musikal tambe. Loke ta sirbi komo un kampaña na unda ta krea un fushon entre deporte i músika awe ta keda konkretisá den algun plan nobo pa kliente tambe. Digicel ta konosí pa su inovashonnan i pa semper ofresé e kliente mas pa su sèn. Awe, 19 di yüli Digicel ta introdusí su plannan nobo; nan ta kombiná data, SMS, yamada i músika. E plannan nobo di Digicel ta bin den 5 diferente opshon, kuminsando for di XS te ku XL.
Klientenan lo paga un montante fiho mensual i lo risibí un pakete estilo ‘all in one’. Data, SMS, yamada i data pa músika den un! E kantidat di SMS ta ilimitá, i por wòrdu usá unda ku e kliente ta, rònt mundu. E plan mas ekonómiko (XS) ta kuminsá na 49 florin. Ku e ‘all in one’ plan e kliente por skohe un smartphone pagando 10 florin adishonal pa luna. Tambe tin e opshon di ‘SIM only’ ku bo por aktivá e plannan riba bo smartphone eksistente. Digicel ta ofresé data ilimitá durante e promé luna di suskripshon.
E plannan ta duna klientenan nobo e komfortabilidat di tin tur kos den un pakete i e opshon pa skohe un plan Hybrid si bo ke tin kontròl di bo gastunan òf un plan Postpago ku ta ofresé un komfortabilidat total.
Algu nobo ku Digicel ta ofresé na su klientenan ta e ‘Music App’ di Digicel yamá D’Music ku ta optenibel for di plan S te ku XL. D’Music ta Digicel su proveedor di streaming ku resientemente a keda lansá. E ta kontené mas di 20 mion kansion; ta posibel pa traha bo propio playlist òf skucha piesanan di bo preferensia. Top Charts ta brinda kansionnan di Top 40 i e vershon Premium ta duna akseso na e archivo kompleto.
Di akuerdo ku direktor di Digicel Curaçao Sten van der Ham, “E plannan di Digicel tin hopi benefisio, e.o un montante fiho pa luna, data, SMS, yamada i músika den un! E plannan aki ta optenibel den Hybrid i Postpago, i ta inkluí SMS ilimitá unda ku e kliente ta rònt mundu. Tambe, ta inkluí minütnan pa yamada lokal i pa paisnan den Digicel su Tòp 15. Loke ta hasi e plannan aki aún mas benefisioso ta ku bo por bai ku minütnan di yamada i data no usá pa e siguiente luna i pa tur amante di músika, nan tin akseso na 20 mion kansion”. Ku e plannan nobo aki Digicel ta bai BRING THE BEAT den e zomer aki.