Servisio ‘Roam Like Your Home’ rekonosé kome e mihó!

WILLEMSTAD:  Digicel Group ta bai kas ku dos rekonosementu durante anochi di premiashon anual di Global Telecom Business Innovation Awards 2015 (GTB Innovation Awards), ku e aña aki a tuma lugá na Sheraton Park Hotel, Piccadilly London. Tur dos premio- ámbos den kategoria di Inovashon den Servisio na Kliente (Konsumidó)- tabata pa servisionan usando e plataforma di ‘Redknee’ pa hasi pagonan di utilidat yamá ‘Easy Pay’. Esaki ta hasi posibel ku e usuario di Digicel (na Papua New Guinea) por kumpra koriente for di su telefon, ki ora ku ta i unda ku ta. E di dos premio a bai pa e servisio di ‘Roam Like Your Home’ (RLYH) ku ta hasi posibel ku klientenan por paga tarifanan lokal maske ku nan ta den eksterior redusiendo tarifanan di ‘roaming’ ku aproksimadamente 95%. Trahando den estrecho koperashon ku e kompania lider di elektrisidat na Papua New Guinea, Digicel i Redknee a proveé un solushon alternativo pa e manera di kumpra koriente tradishonal. Usualmente lo ta via di un ‘top-up’ voucher- pa e komunidat di Papua New Guinea habitantenan lo mester a kore distansianan hopi largu pa ‘kumpra’ nan koriente ku tabata posibel únikamente durante di orarionan komersial- e proseso tabata tuma muchu tempu, hopi kostoso i hopi inkumbiniente pa e habitante/kliente. Digicel di un manera inovativo a trese kambio den esaki. E servisio RLYH, ta e promé den su sorto i den region, komo ku e ta duna tantu e usuario di pre-pago i post-pago e libertat pa usa nan telefon pa hasi of risibí yamada, manda SMS i usa data den eksterior- tur na e mesun preis ku na ‘kas’-. Esaki a trese un kambio drástiko den preisnan di ‘roaming’. Komentando riba e premionan, Digicel Group CEO Colm Delves, a bisa; “Digicel semper ta buska un manera inovativo ku teknologia por realmente benefisiá su klientenan. Komo un proveedor di solushonnan práktiko i di komunikashon den su totalidat, nos tei pa entregá e mihó kontenido, mihó servisio i mas balor na e kliente. Mi ke felisitá tur ku a traha duru pa duna nos klientenan e servisionan inovativo aki. Boso meresé e rekonosementu aki.” Redknee CEO, Lucas Skoczkowski a felisitá Digicel ku e premionan bisando,”Mi ta masha kontentu ku Global Telecoms Business a rekonosé Digicel su logronan.”. Digicel i Redknee a traha na hopi okashon huntu pa desaroyá vários servisionan inovativo pa nan klientenan.