WILLEMSTAD; Resientemente Digicel a risibí konfirmashon di Eastern Caribbean Telecommunications Regulatory Authority (ECTEL) ku e fushon ku a keda proponé entre Cable And Wireless Communications (CWC) i Columbus Communications Inc. (Columbus) ta algu di interes públiko pa henter region i mester di atenshon urgente, komo tambe un revishon diligente. Den un deklarashon someté resientemente, ECTEL a vosiferá su prekupashon pa e akuerdo proponé i e echo ku e fushon proponé por ‘potensialmente resultá den un impakto negativo pa kompetidornan’ dor di ‘redusí skohensia di e konsumidó riba tantu, servisio òf proveedor’. ECTEL tambe a nota ku e monopolisashon kresiente por stroba tur benefisio di liberalisashon’. ECTEL a deklará tambe ku e fushon proponé ta lanta reakshonnan signifikante, pa loke ta posibel infrakshonnan di lisensianan di tantu, CWC i Columbus kual mester wòrdu investigá profundamente. Den un anunsio na merkadonan finansiero, CWC i Columbus a reakshoná ku e notifikashonnan regulatorio i aprobashonnan di esaki lo únikamente wòrdu rekerí na Merka, Barbados, Jamaica i Trinidad.  Digicel ta mira e deklarashonnan komo un insulto pa outoridatnan regulatorio i gobièrnu ECTEL ta deklará; partikularmente esnan di Grenada, St. Lucia i St. Vincent, tambe Grenadines. Digicel ta kontentu di nota ku ECTEL i e komishon lokal di National Regulatory Comissions (NTRCs) den kada siudat miembro den forma determiná ke wòrdu inkluí den e desaprobashon di e deklarashonnan irespetuoso ku a wòrdu duná na e merkadonan finansiero. Digicel ta konfirmá su boluntat i deseo pa komprometé ku ECTEL i NTRCs den kada siudat miembro pa un revishon rigoroso i propisio den merkadonan di telekomunikashon i tambe riba e atkisishon ku a keda proponé. Únikamente basá riba e resultadonan ei, pensando riba e bienestar di kompetidornan i konsumidónan- ku kualke atkisishon lo tin balor i por wòrdu kondusí responsablemente. Digicel Group CEO, Colm Delves, a komentá; “Nos ta kontentu ku e intervenshon di ECTEL i su ekspreshonnan den sostené un petishon pa un eksamen regulatorio rigoroso di e atkisishon proponé. Digicel a keda asombrá ku e posishon sin rèspèt di CWC/Columbus pa ku e gobièrnunan di siudatnan miembro di ECTEL i tur outoridat regulatorio establesé- a kita tur poder di nan i no a duna nan oportunidat pa supervisá e fushon proponé. E echo ku CWC i Columbus ta buskando pa forsa gobièrnu i outoridatnan regulatorio den Caribe pa aprobá nan transakshon riba nan kondishonnan i di akuerdo ku nan skedjùl ta algu alarmante.” E ta kontinuá bisando; “Digicel ta kere ku ECTEL i kada siudat miembro di NTRCs  tin derecho apsoluto- moral i legal, pa pidi un eksamen rigoroso di e fushon proponé- i tambe un proseso di aprobashon ku e respektivo gobièrnu i tur departamentu ministerial enkuestion”