WILLEMSTAD – E aña aki Restaurant Week Curaçao ta keda enrikesé ku Infinity Beach Club i Nautilus Restaurant, ámbos situá na Renaissance Curacao Resort. Tur dos restaurant lo figurá un menú eksklusivamente diseñá pa Restaurant Week Curaçao. E aña aki, e siman kulinario ta keda tene den siman di 29 di sèptèmber pa 7 di òktober, 2017. ‘Snap’ bo plato faborito i gana un bale di $50 pa un próksimo bishita.

Dos opshon sukulento:

Infinity Beach Club ta ofresé un menu pa Restaurant Week di Nafl 55 pa persona, ku lo inkluí Salmon Gravlax, Statler Chicken, Peach Tiramisu i muchu mas. Konsiderá un sena privá kant’i awa, mira bahada di solo òf sinta mas lat anochi na lus di bela. Otro opshon ta Nautilus ku tambe ta ofresé un menu di Nafl 55 pa persona, ku lo inkluí Green Curry Zucchini- Coconut Soup, Caribbean Style Red Snapper, e dessert Trio di Nautilus i muchu mas. Bishitá e página di Facebook di Infinity Beach Club i Nautilus Restaurant pa e menú kompletu i partisipá na un kampaña promoshonal spesialmente pa Restaurant Week Curaçao.

Gana durante Restaurant Week Curaçao

Prepará bo kámara pa un kampaña Click, Tag & Share riba Facebook i Instagram! Saka un foto di bo plato faborito e anochi ku bo bishitá Infinity Beach Club òf Nautilus Restaurant, hashtag #NautilusRestaurantWeek òf #InfinityRestaurantWeek i keda ku chèns di gana un bale di $50 pa bo próksimo bishita na un di e dos restorantnan. Lo regalá diferente premio durante e siman di Restaurant Week Curaçao, ta nifiká ku bo mester keda ku bista riba página di Facebook di Renaissance Curaçao Resort i Instagram @RenCuracao. Pa mas informashon i pa bo reservashon durante Restaurant Week por yama 435.5000. Kòrda reservá trempan!