CIBC FirstCaribbean ta sigui ku un bon tradishon

Willemstad – Curaçao, February 7, 2018 E alumnonan di Kolegio San Dominico lo gosa un bòl e aña aki ora ku danki na CIBC FirstCaribbean, DJ Argenis Huerta animá nan fiesta di karnaval. Esaki ta e di 5 aña ku CIBC FirstCaribbean ta patrosiná un selebrashon di karnaval na un skol di fundeshi.  Argenis Huerta tradishonalmente a bin di ta DJ ku ta animá na e okashonnan aki i e tin ya e reputashon di hasi e fiesta algu inolvidabel pa e hòbennan.

E hobennan di Skol San Dominico lo baila henter mainta riba tono di entre otro e tumba hubenil ganadó di e aña aki “Bichi Kolorido tei punta kaya” di nos Rei di tuma hubenil Gian van Eiker. “Esaki ta pinta di bira un di e mihó selebrashonan di karnaval ku nos skol a yega di selebrá.  Nos ta masha kontentu di a tende ku CIBC FirstCaribbean a skohe nos skol i ningun otro sino DJ Argenis Huerta pa kompleta nos fiesta na skol.  Nos ta gradisi CIBC FirstCaribbean pa duna nos muchanan un tremendo momentu” Sra. Rosalina-Offerman di e skol a bisa.

Lysaira Ortela di CIBC FirstCaribbea a bisa.” Karnaval ta saka e mihó di den kada un di nos, kada aña di nobo.  E ta siña nos kolaborá, ta kreativo i ta uni.”  Ela añadí ku “CIBC FirstCaribbean pa e motibu aki ta komprometé pa enkurashá muchanan pa gosa di karnaval den un ambiente konosi pa nan.  Pues ki mihó luga pa hasi esaki ku no ta na skol i ku un di e mihó DJ nan di e isla, Argenis Huerta tòg?  Nos ta ansioso pa mira e muchanan, tur potenshal partisipantenan den e selebrashon di karnaval, gosa i baila bou di tononan di Bichi Kolorido tei pinta kaya.”