‘Exitoso Chuckie Birthday Bash’

Oranjestad – Juni – Renaissance Aruba Resort y Casino recientemente a brinda su huespednan y pueblo di Aruba un evento riba nivel internacional como parti di e cadena hotelero su di tres aniversario di ‘Global Day of Discovery’. E evento a combina experiencia culinario y artistico den un anochi yena cu ritmonan cayente di region Caribense. Como toke special di e anochi a celebra e di36 cumpleaño di DJ Chuckie kende ta partner di Renaissance Aruba Resort & Casino pa numeroso evento high profile cu ta contribui na tanto Aruba su escena musical como e comunidad den general. E anochi festivo a cuminsa cu un ‘cocktail reception’ sigui pa un 6-course dinner luhoso cu a contene platonan faborito di Dj Chuckie manera Oyester, Tortilla, Soto Ayam, Wild Duck Breast y hopi mas. Tur escogencia di plato a wordo combina cu un tipo di biña. Esunnan cu tabata na encargo di e experiencia aki tabata Chef-kok di restaurant Ciel Blue di Hotel Okura na Hulanda, Chef Onno Kokmeijer directamente for di Hulanda, Chef-kok di & samhoud places na Hulanda, Amsterdam Chef Dennis Huwaehuntu y e team culinario di Renaissance Aruba Resort. Durante e cena tabata tin entretenimentu di Hiljanne Croes cu a presenta 3 kansion sigui pa presentacion di Tsunami. Ademas di esaki a tene un findishi di arte pa sostene Dj Chuckie su ‘Play Foundation’ como host a figura e actor Wilmer Valderrama di ‘That 70’s Show’ y Playboy Playmate Amanda Cerny ambos ta amigo di Dj Chuckie. E findishi riba cuadronan pinta pa Djnan lokal y e muchanan di Imelda Hof tabata un exito total. Na final di e anochi Dj Chuckie a dobel e montante genera durante e findishi- cu a bay resulta na un total di $52.000,00. E fondonan genera lo bay pa subsidia diferente proyecto comunitario di ‘Play Foundation’ entre nan Imelda Hof Aruba. A canta serenata pa Dj Chuckie cu e tradicional cancion di Happy Birthday y a corta pida di e bolo gigantesco cu e logo di ‘Play Foundation’ pa tur presente. Elite Productions a percura pa efecto di luz y zonido pa corona e anochi di celebracion. Dj Nutzbeats y Karixon a keda encarga pa un afterparty tur afó te den oranan laat di anochi. Renaissance Aruba Resort  tabata tin un ‘Global Day of Discovery’ realmente exitoso. Congrats to the much talented Dj Chuckie!