Invitashon na tur mayor

WILLEMSTAD- SEPT 2017:  Riba dianan 29 i 30 di sèptèmber próksimo lo tuma lugar e ‘Banco di Caribe Play & Stay Tennis Tournament’ i djabièrnè awor dia 22 di sèptèmber tin inskripshon! E torneo di tènis, spesialmente pa muchanan entre 6 i 10 aña di edat lo keda dividí den 3 kategoria; ‘red ball’ pa mucha entre 6 i 8 aña di edat, ‘orange ball’ pa mucha entre 8 i 10 aña di edat i finalmente ‘green ball’ pa mucha di 9 i 10 aña di edat. Weganan lo tuma lugar riba kancha di Curaçao Sports Club (CSC) na Damacor.

Manteniendo su kompromiso pa un desaroyo positivo di hóbennan na Kòrsou, Banco di Caribe resientemente a firma un akuerdo di kolaborashon ku Curaçao Tennis Foundation pa organisá e torneo ‘Banco di Caribe Play & Stay Tennis Tournament’. Esaki ku e meta pa laga mas hóben sera konosí ku e deporte. Curaçao Tennis Foundation  ta invitá tur mayor pa registrá nan yunan di entre 6 i 10 aña di edat djabièrnè awor dia 22 di sèptèmber entre 5:30PM i 7PM na CSC. Kontribushon ta únikamente 15 florin. Pa mas informashon di e torneo por tuma kontakto ku sr. Francis Hoyer na number di telefon 510-2645.