Grupo “THE GROOVIES”, ku na yüni 2015 a presentá su mes pa promé biaha na e pueblo karnavalesko di Kòrsou a demonstrá su derecho di eksistensia na momentu ku e la resultá Grupo Kómiko di Karnaval Hubenil 2016. Esaki a pone ku mas animo aun e direktiva di The Groovies a sigui ku preparashonnan pa 2017 pa aportá di e forma aki na Karnaval di Kòrsou i sigurá e goso di su partisipantenan den Karnaval Hubenil. Den The Groovies tin oportunidat di gosa, baila i jump den un ambiente ku ta e grupo aki so tin.

Inskripshon ya a habri i ku oportunidat pa paga e kontribushon total den término.

E tema di e trahe ta: “Mirror Mirror on the Wall”

Grandi i chikí mester konosé e historia di ‘Evil Queen & Snow White’. Pues  e partisipantenan ta bistí na un  fantasía di e “Evil Queen” ku konstantemente ta wak den spil. The Groovies tin tantu un trahe pa mucha muhé i mucha hòmber I den nan man kada un lo karga un spil ku ta e refleho di e kuenta di ada di  “Evil Queen & Snow White” ku e apel venená.

E trahenan lo ta simpel, sumamente kolorido, akabá ku detayenan briyante i fásil pa nos partisipantenan por jump trankil aden i loke ta mas importante, disfrutá di karnaval.

Akompañamentu musikal lo ta un biaha mas na enkargo di SCORE huntu ku Paul Welvaart.

Pa mas informashon por tuma kontakto na ku Direktiva di The Groovies na 564-7643 i 512-0140 òf via  E-mail: thegroovies2015@gmail.com