Willemstad, Mart 2015 – Den selebrashon di 13 aña di eksistensia i pa yama bonbini na 3 beibi dòlfein, Dolphin Academy ta invitá pueblo di Kòrsou bin disfruta di un eksperensia inolvidabel. Den e ultimo lunanan Dolphin Academy a yama bon bini na: Suku ku a nanse riba 18 di yüli 2014, Mosa 9 di sèptèmber 2014 i Tulum a nanse 21 di dezèmber 2014. Pa festegha esaki i komo parti di un kampaña pa laga más di nos mes hendenan lokal será konosí ku Dolphin Academy i e dòlfeinnan, Dolphin Academy lo bai tin un deskuento speshal pa gruponan lokal. E oferta aki ta balido durante e luna di Mart 2015 i ta konta únikamente pa personanan ku un sedula balido. Kada grupo di 4 persona ku kier hasi un Dolphin Encounter òf un Dolphin Swim ta paga pa solamente 3 persona. Pa hasi un reservashon mester pasa personalmente na Dolphin Academy ku (kopia) di tur 4 sedula i tambe hasi e pago mesora. Tambe ta posibel; pa hasi e pago ku bo karchi di FunMiles. Asina tambe Dolphin Academy a invitá e personal di kabina di KLM pa a bin será konosí i snòrkel ku e 3 beibi dòlfeinan. Dolphin Academy ta spera di por sigui konta ku e aporte di KLM i tur otro kompanianan aéreo i tambe turistiko pa huntu sigui yuda engrandese nos turismo aki na Kòrsou. Dolphin Academy ta situa na Curaçao Sea Aauarium i ta habri tur dia di 8:00 am pa 5:00 pm. Kòrda like nos Facebook page www.facebook.com/DolphinAcademyCuracao  pa más informashon i tambe chèns pa gana premionan fantástiko!