Willemstad – Ku hopi orguyo Blue Bay Curaçao Golf & Beach Resort i Maduro & Curiel’s Bank a entregá un chèk na Santa Clara School (Jandoret). E sèn a keda rekoudá danki na diferente donashon hasí durante algun torneo di golf na Blue Bay Golf Resort, ku ta di spònser pa MCB. Di e total ku a keda rekoudá, MCB a oumentá e montante te na NAf. 10.000,-!

Torneonan di golf

E golfistanan a hasi nan donashonnan durante e torneo MCB Pro-Am i e dos edishonnan di Curaçao Tourist Open. Banda di esaki e partisipantenan a haña e oportunidat pa hasi e ‘Curaçao Gong Shot’ pa NAf. 25,-.  Pa mik i laga e bala di gòlf dal den e plachi di staal riba awa,  a resultá di ta bastante difisil. Loke tambe a yuda generá fondo ta e weganan di ‘Charity’ na Blue Bay Golf Resort.

Renobashon

Konhuntamente i den koperashon estrecho Santa Clara School, Maduro & Curiel’s Bank  i Blue Bay Curaçao a disidí pa usa e montante ku a rekoudá pa drecha diferente area na i rondo di e skol. Asina lo drecha algun wega na e area di rekreo, e plenchi di skol, e hardinnan lo keda renobá i tambe lo kumpra diferente material di skol. Ku plaser Kabes di skol di Sta. Clara School a aseptá e chèk. Riba e potret kabes di skol di Sta. Clara – Mirely Amerika huntu ku representante di Blue Bay Golf – Vincent Zrour – i representante di Maduro & Curiel’s Bank – Caroline Sluis-Gibbs, rondoná pa diferente mucha di skol.