Danki na sostén di Wereld Stage

E hobennan Rosalie van Schie i Amy  D’sousa a termina un periodo di praktika di sinku luna na Curaçao Zoo. E dos damanan aki a bin for di hogeschool  Inholland i  ta studia  dier en veehouderij. Nan periodo di praktika a wordu hasi basa riba petishon di Curaçao Zoo pa dokumenta  si makakunan konfiska realmente ta duna señal di frustrashon i of otro tipo di trastorno. Durante un atardi ameno nan a duna  un presentashon na prensa i hefe di servisio veterinario i e veterinario suplente  i diferente otro invitado, personal di zoo i tambe media . E dos damanan a sa di defende nan inverstigashon i a termina nan periodo ku éxito. E dokumentashon ku nan a traha lo bai pa ministerio publiko , minister di hustisia i minister di salubridat i medio ambiente i naturalesa. I manera a premira  e resultado di e estudio ta konstata patronchinan ku ta desvia fuertemente esaki ta sigur un faktor ku mester tene na kuenta pa futuro, na momento di formula sanshon of maneho ku animalnan exotiko. Hopi hende tin e persepshon ku un makaku ta bon pa tin komo maskota domestiko.Pero ta un realidat ku tur makaku konfiska a wordu  kita di un forma kruel for di su mama.Den mayoría kaso e mama mester a wordu mata pa por kita e yu, además un animal ku no a risibi trato mediko i no tin e  permitnan necesario pa wordu exporta  i importa ta un peliger pa salubridat publiko.

Pronto mas studiante  di HBO  lo bin hasi nan praktika den Curaçao Zoo den diferente ramo entre otro biología, seguridat integral, jurista, veterinaria i mas. Pa asina sigui aporta na un desaroyo positivo i yuda ekipa nos parke di bestia nashonal ku mas konosementu. Esaki ta  sosode ku yudansa di Wereld Stage ku ta aporta na Curaçao Zoo su desaroyo dor di krea espacio pa hobennan hasi nan periodo di praktika den un sinfín di área k uta di gran balor pa nos Zoologiko nashonal.