“Humilde Amor” a kuminsá zona na radio

WILLEMSTAD- APRIL- 2013: “A tarda un tiki pa un kansion promoshonal pa GG, nos a tuma nos tempu pa presentá algu netamente na su estilo, su fanatikonan a bira impasiente i ke a tende algu di GG. Nos a bin ta toka e piesa aki den nos Lounge of Dreams, pero ta asina leu pa e bai radio”, esaki di akuerdo ku Axel Pikero ku djaluna den oranan di mèrdia a distribuí e kansion promoshonal di GG pa tur medio di komunikashon radial i asina laga e piesa nobo di GG kuminsá zona. GG no tin mester di niun introdukshon, na numeroso okashon e’la sa di ‘pega’ hit tras di hit. Su manera sensual, tin biaha atrevido ta kapta atenshon di grandi i chikí, maskulino i femenino. E piesa nobo, “Humilde Amor” ta papia di un amor, sin luho…un amor puru i sinsero. Nos ta spera ku e’lo kai na agrado di tur fanátiko….follow your Dreams! Ta trahando intensivo riba e produkshon nobo, ta di fèrwagt ku e lo ta riba merkado otro siman”, asina Axel a tèrminá. “Humilde Amor” a kuminsá zona for di awe na tur radio-emisora i lo figurá riba e próksimo kompakto di Dreams titulá “KOMT GOED”. Manera ya kaba komentá, e piesa ta den repertorio kaba pues fanatikonan por disfrutá di dje durante di presentashonnan di DREAMS, pendiente pa LOD na Club Bananas riba djarason anochi.