Willemstad – Fo’i awe ya e promé 300 karchinan na preis spesial pa baila Claudius Philips ta na benta pa tur “Early Birds”. Na Mensings Caminada lo tin 100 karchi, na Tik Tak Punda lo tin 100 i na BEEP BEEP RIO lo tin 100 karchi na Fls 35,=! E preis spesial di Fls 35,= lo sigui te ku Djasabra 10 di Mei, mientras tin na stòk ainda. Despues e preis pa karchi lo bira nòrmal Fls 50,= Preparashon ta den “full swing” pa yegada di Claudius Philips, Djasabra dia 7 Yuni awor. Esaki sigur lo bira un tremendo fiesta, ora Claudius Phlips pone Landhuis Brievengat ariba abou. Pues prepará paso ta bailamentu tin! I ya kaba espektativanan ta hopi haltu pa e ambiente dushi ku tin den “I LOVE DANCING”. Despues di e tremendo presentashon di Claudius Philips & O.R.E.O. durante Karnaval na St.Maarten, awor nan ta preparando i antesipando pa pone Kòrsou baila Djasabra dia 7 di Yuni den Landhuis Brievengat. Riba e anochi aki Claudius lo topa ku TUNE “super front” ku Tico Libiee, Urvin ‘Luwi’ Jano, Igmar LaReine, Amos Balentien i Benoni ‘Tico’ Balentien. Ademas DJ Boogieman i Morgan Isenia lo sòru pa e kosnan dushi di añanan 80 pa bo baila, rekordá i gosa. Karchinan ta limitá pa VIP Stage & Lounge. Lo tin un sekshon di VIP uniko, ku un “stage” riba kua esnan den VIP ALL ACCESS por baila i wak Claudius Philips di un angulo di ariba super greit. Esnan ku tin VIP ALL ACCESS lo por parker paden tambe. Huntu ku esakinan e pakete ta inkluí bibida i snèks, bañonan, bar i kushina spesial pa VIP. Rondo di e VIP “stage” lo tin e VIP LOUNGE kaminda den un ambiente dushi, bo por disfrutá di CLAUDIUS PHILIPS & O.R.E.O. E luganan pa ta riba e VIP STAGE i den VIP LOUNGE ta limitá, pues ta rekomendabel pa yama Sra.Willems tempran na 516 55 34 pa bo ta VIP. Fiesta ta kuminsá for di 9pm i Claudius Philips & O.R.E.O. ta kla pa deleitá Kòrsou den un ambiente ku sigur tei bira inolvidabel, Djasabra 7 di Yuni den Landhuis Brievengat.