… Masha pabien na ganador di kampaña di SMS…

KRALENDIJK-OUG; Antisipando Curaçao North Sea Jazz, Digicel a hasi un kampaña na unda ku klientenan por a gana 2 pasashi pa Kòrsou, estadia na Santa Barbara Resort, 2 ticket di CNSJF i transporte. E kliente lo mester a manda un SMS, ku e palabra JAZZ na 2000, kosto di e SMS tabata únikamente $0.20. Den transkurso di e siman tras di lomba a saka ganador di e pakete; tabata Edward Bernabela ku a resultá ganador di estadia, pasashi pa Kòrsou i su entradanan pa North Sea Jazz. Sr. Bernabela a manda un kantidat grandi di SMS pa por a partisipá na e kampaña, esaki mes a hasi ku e’la resultá ganador di e pakete di premio ku Digicel a pone na disponibilidat di su klientenan. Tur luna Digicel ta duna su klientenan chèns di ta interaktivo i di gana premionan hopi atraktivo den e diferente wega, kampaña i promoshonnan di SMS di Digicel, pues klientenan mester keda pendiente! Riba foto por mira momentu ku Sr. Edward Bernabela ta risibí su premio for di gerente general di Digicel Boneiru, Sr. Ray McMahon. Masha Pabien!