Empleadonan a keda rekonosé pa nan bon servisio

WILLEMSTAD- Ougùstùs 2015 – Tur luna Marriott Resort Curaçao i Emerald Casino ta tene su ‘ban topa’ na unda ku ta selebrá ku tur ‘host’ di e hotèl. Ta pone atenshon spesial na tur ku ta duna servisio na huéspet. Durante Marriott Curaçao Resort su ‘All Host Gathering’ tambe ta rekonosé tur e empleado ku a sobresalí den dunamentu di servisio durante e respektivo luna, ta  selebrá aniversario den servisio di empleadonan, Supervisor i Manager di kuartal. Ademas di esaki, ehekutivonan ta duna esnan presente informashon di desaroyonan di e hotèl, kiko ta e último akontesimentunan i kua ta e puntonan di mehorashon.

Esnan ku a risibí rekonosementu pa luna di ougùstùs tabata; Yvette Lucas (Portofino Restaurant)  i Julien Neil (Seabreeze Restaurant) ku a keda honrá pa nan 15 añanan den servisio. Sandra McAully di ‘Lost Prevention’ ku a risibí rekonosementu komo Supervisor di kuartal, Alex Colgan di ‘Purchasing’ ku a bira Manager di kuartal i Sharneska Lebar di Emerald Casino ku a keda rekonosé komo ‘Host of the Month July’.

E empleadonan a risibí nan rekonosementu na man di General Manager Sr. Eduardo Reple i Direktor di Human Resources Sra. Minerva Regales. “Di akuerdo ku e kuerpo di maneho di Marriott Curaçao Resort i Emerald Casino ekselensia ta kore manera un liña kòrá den e maneho diario di e hotèl. Nos ta motivá tur empleado pa tur dia di nobo duna e mihó di nan mes, p’asina garantisá un eksperensia inolvidabel pa nan huéspetnan. Pabien na tur empleado ku a keda rekonosé pero tambe na tur ku ta kumpli tur dia di nobo ku e meta di sirbi tur huéspet di e hotèl di akuerdo ku nos standartenan”.