WILLEMSTAD, Kòrsou- Desèmber 2014: Djamars i djarason último Digicel a tene un VIP shopping night na su Mega Store, Biesheuvel. Tur kliente a risibí oportunidat di shòp miéntras ku nan a disfrutá di algu di bebe i kome, wardando nan bùrt pa kumpra un di e telefonnan atraktivo di Digicel. Tur esnan ku a kumpra un di e telefonnan for di e portofolio selektá a risibí un ‘goodie bag’. Tabata tin ofertanan di kita sombré; por a bai kas ku un BLU, DL 750 i Alcatel na preis masha atraktivo. “Nos ta kontentu ku nos klientenan a disfrutá di e nochi di kompra estilo VIP, e karanan kontentu a papia mil palabra”, esaki di akuerdo ku Thessa Flemming di Digicel.  E wikènt aki lo tin e último evento den bario, pues tin un chèns mas pa probechá di tur e ofertanan balido durante di e fin di aña aki. E próksimo ‘Digicel Roadshow’ lo tuma lugar riba djasabra 20 di desèmber na The New Radiatorshop na Seru Loraweg/ Sta. Rosaweg i riba djadumingu 21 na Digicel Mega Store, Biesheuvel. Ambos evento lo tuma lugá entre 9 ‘or di mainta pa 3 ‘or di mèrdia. E oferta pa e próksimo ‘Digicel Roadshow’ lo ta e Alcatel C1 inkluyendo 20 florin di krédito na yamada. Miéntras ku klientenan ta warda nan bùrt, nan ta risibí informashon tokante e oferta, algu di bebe, pòpkòrn i otro kosnan di boka dushi. Pa e muchanan tin oportunidat di rekreá riba bouncers. Esaki lo ta e último oportunidat pa kumpra e telefonnan na preis di oferta pa e temporada aki. Pa mas informashon di e ofertanan pa e temporada di fin di aña, bishitá un di e  Digicel Road Shownan, e página di facebook https://www.facebook.com/DigicelCuracao òf e wepsáit http://www.digicelcuracao.com.