Den wikènt di 13 pa 15 di desèmber, e hóbennan di Junior All Star  bou di direkshon di Gedion Chandler a bolbe duna tremendo presentashon na Boneiru, relashoná, ku e festival , Ban Kanta nos Boneiru. Djasabra 14 i djadumingu 15 di ougùstùs Junior All Star a toka e show time  di e festival , kaminda e públiko presente den klup Vitesse, a aploudí e presentashon di e hóbennan.

Dwight Leoneta a dirigí e orkesta, Estreanan di Boneiru, i e músikonan di e orkesta tambe a atmirá e nivel musikal haltu di e hóbennan. Djabièrnè 18 di ougùstùs, Junior All Star a aktua a perkurá pa e parti musikal durante e fundraising di Par tokando 3 set ku un variashon di vários género di muzik. Esnan presente na final di e anochi a subi pista di baila , pa disfrutá di e tumba, Barbulètè, ku a trese un ambiente masha amenoi na final di e programa. E organisadónan a duna oportunidat pa duna un splikashon di e proyekto musikal grandi aki, ku ta risibí sosten finansiero di MCB, Crime Funds , Reda Sosial i Core N.V. Instituto pa Formashon Musikal ta gradisí un i tur ku di un forma òf otro ta sostené e proyekto i ya kaba a start ku aña akadémiko 2016-2017.