Willemstad – Djaweps dia 30 di yüli, djabièrnè dia 31  i djasabra 1 di ougùstùs Maduro & Curiels’s Bank i Lito, E Amiguitu Spardó, a selebrá e di 10 aniversario di LITO Film Festival.  Durante e 3 dianan, mas ku 2.200 mucha ta haña e oportunidat pa sera fakansi i wak pelíkula grátis na The Movies. Banda di esei tur mucha ta haña un popcorn i limonada grátis serka LITO. Bo Banko Amigu ta sòru pa  e guianan presente i tur mucha por disfrutá imensamente di e oportunidat úniko pa wak pelíkulanan manera Minions, Apenstreken, Inside Out i Terminator Genisys.

Na apertura di LITO Film Festival, LITO huntu ku su amiguitonan Minions, a yega The Movies akompañá pa brassband di Excel Arts Academy. Na nan yegada na The Movies señora Ruthsella Jansen, miembro di gerensia di MCB a saludá tur mucha i deseá nan un dushi dia. Muchanan a haña oportunidat di saka potrèt ku LITO i e Minions nan, Kevin, Stuart i Bob. Na final tur mucha a haña un delisioso cupcake. Por atmirá tur e potrètnan di LITO Film Festival riba  e página di wèp di Bo Banko Amigu na:

www.mcb-bank.com/events.

Maduro & Curiel’s Bank i LITO, e Amiguitu Spardó, ta spera ku tur nos amiguitunan a pasa un dushi fakansi i ta deseá tur mucha di Kòrsou un aña eskolar eksitoso.