Willemstad, 27 novèmber 2015 – Bo por imaginá bo djis ekspresá un deseo ku bo tabatin masha tempu riba bo kurason i diripiente esaki bira un realidat? Awèl, agradesido p’e sosten brindá durante henter e aña aki, UTS ta lansa su kampaña di fin di aña, ‘The Wish box’, dunando tur su fiel klientenan e bunita oportunidat pa nan deseo òf soño por bira un realidat.
‘The Wish Box’ ta literalmente un kaha grandi inkluso aparato pa hasi grabashon, ku lo keda stashoná na diferente lokalidat aki na Kòrsou, kaminda klientenan di UTS por yega fásilmente i sinta ekspresá nan deseo. E ta bai masha fásil:
- Lesa e reglanan di kampaña
- Yena e formulario kòrtiku ku e rekisitonan
- Drenta i sinta den e ‘Wish Box’
- Sigui instrukshon di e kámara
- Graba bo deseo te ku un máksimo di 40 sekònde
E deseo por ta sea pa bo mes, pa un otro persona òf hasta pa un instansia.
Segun e deseonan keda grabá, UTS lo pasa nan riba kanal 69 di TDS i tambe riba su página di Facebook: www.facebook.com/utscuracao. Kada deseo lo haña un kódigo i pueblo di Kòrsou por vota pa su deseo faborito, dor di djis manda e kódigo ku ta korespondé n’e deseo ei den un SMS na 9474. (Kada SMS ta kosta 35 sèn inkluso OB). Asin’aki abo ta yuda e persona ei su soño kai den e ròndu semi-final. Mas SMS bo manda, mas chèns di keda selektá e tin. Mas ku klaro ku e klientenan por ‘share’ nan grabashon tambe riba nan propio página di Facebook, p’asina akumulá mas voto pa yuda nan bai e ròndu semi-final. E ròndu aki ta konsistí di total 10 deseo i finalmente tres felis ganadó lo keda anunsiá riba 6 di yanüari 2016, p’asina finalmente UTS por hasi nan soño realidat.
E kampaña aki ta bálido for di 28 di novèmber 2015 te ku 20 di desèmber 2015 pa klientenan di UTS Kòrsou ku telefòn fiho pre- òf postpago, Chippie pre- òf postpago òf internèt di kas. Tin término i kondishon aplikabel. E ‘Wish Box’ lo bai ta na diferente lokalidat na Kòrsou i for di djasabra 28 di novèmber 2015 te ku djadumingu 6 di desèmber 2015 e lo ta situá na Building Depot. Bishitá www.uts.cw/thewishbox p’e skema di e sobra lokalidatnan.
Di e forma aki, UTS ke yama danki i duna bèk na tur su fiel klientenan di Kòrsou. ‘Ta danki n’e konfiansa ku pueblo a pone den nos, ku awe UTS por ta un kompania eksitoso. UTS ta i mester keda e kompania ku ta garantisá pueblo servisio i produktonan di telekomunikashon konfiabel i pagabel’, sr. Paul de Geus a bisa.
Si kisas ainda bo no ta un kliente di UTS, pasa awe mes na kualke UTS Store pa bira nos kliente, p’asina abo tambe por partisipá n’e bunita kampaña aki. Pa mas informashon, término i kondishonnan i e lokalidat di e ‘Wish Box’, yama na 9242 òf bishitá www.uts.cw/the wishbox.